Қарағанды облысы Абай ауданында орналасқан Ақбастау елді мекенінің тұрғындары түнгі уақытта 35 жылдан астам кенттің шетінде тұрған “Орақ пен балға” монументін бұзды. Оның орнына ауыл тұрғындары Қазақстан Республикасының туын тігуді ұйғарды. Келесі түнде ауылдың басқа тұрғындары ескерткішті сол жерге қайтарды. Бұл туралы Kazakhstan Today жаңалықтар ресурсы хабарлайды.
Абай ауданы басшысының аппаратында бұл жағдай бірнеше түн ішінде болғанын айтты. Бірінші түнде бір топ адамдар ескерткішті алып тастады. Осыдан кейін тұғыр орнына қайтарылды. Келесі түнде ескерткіш қайтадан бұзылып, біздің еліміздің туы оның орнына қойылды.
Сондай – ақ, әкімдікте бүгінгі күні монумент орнында әлі ештеңе қойылмағаны-ту да, орақ та қойылмағаны туралы ақпарат берілді. Мемлекеттік туды әкімдік қызметкерлері алып тастады, өйткені ол мемлекеттік рәміздерді пайдалану ережелерін бұзып орнатылды.
“Мұны кім жасайды, бізге түсініксіз. Тұрғындар арасында жанжал жоқ. Бүгін біз аудандық ішкі саясат бөлімінің өкілдерімен бірлесіп шешім қабылдау үшін тұрғындар активімен кездесіп отырмыз. Тұрғындарға бұл жерге “мен Ақбастауды жақсы көремін” деген жазу қоюды ұсынғымыз келеді”,-деп әкімдікте атап өтті.
Бұл ескерткіш мәдени нысан емес. Ол тек өткенді еске алу ретінде сақталды, деп қосты Абай ауданы әкімінің аппаратында.
Сурет: newtimes.kz
