Қазақстан Республикасы Қорғаныс ведомствосының өкілдері Алматы әскери клиникалық госпиталі медицина қызметкерлерінің эпидемияға қарсы іс-шараға қатысқаны үшін берілетін үстемеақыға қатысты шағымына жауап берді, деп хабарлайды “ҚазТАГ” ақпараттық агенттігі.
Атап айтқанда, Алматы госпиталінің қызметкерлері осы жылдың 22 сәуірінен бастап бүгінгі күнге дейін коронавируспен ауыратын азаматтармен жұмыс істеп жатса да, оларға уәде етілген үстеме ақы төленбегеніне шағымданды.
өз кезегінде, Қорғаныс министрлігі әскери дәрігерлерге індетке қарсы іс-қимыл жөніндегі іс-шараларға қатысқаны үшін үстемеақы төлеуге байланысты мәселе елдің Қорғаныс ведомствосының басшысы Нұрлан Ермекбаевтың қатаң бақылауында екенін атап өтті.
«Қарулы Күштердің әскери қызметшілері мен азаматтық қызметкерлері және әскери дәрігерлер де – әр түрлі “майдан далаларында” Отан қорғаушысы ретінде борышын өтеуге дайын және патриоттық рухта тәрбиеленген азаматтар», – деп хабарлады ведомство.
Сонымен қатар, Қорғаныс министрлігі әскери дәрігерлерге эпидемияға қарсы іс-шараларға қатысқаны үшін үстеме ақы төлеуге қатысты мәселе шешіліп жатқанын айтты.
Қорғаныс ведомствосы егер Қарулы Күштері азаматтық қызметкерлерінің құқықтары бұзылса, оған айыптылар жазаланатынын ерекше атап өтті.
