Қазақстан Республикасы Қорғаныс ведомствосының өкілдері еліміздің Қарулы Күштерінде медицина мамандарының санын арттыру жоспарланып отырғанын айтты, деп хабарлайды “ҚазТАГ” ақпараттық агенттігі.
Атап айтқанда, Қорғаныс министрлігінің басшысы Нұрлан Ермекбаев ведомство алдына сапалы инфрақұрылым қалыптастыруға, әскери медицина қызметкерлерінің санын көбейтуге, медициналық қызмет бөлімшелерін дамытуға бағытталған жоспар дайындау міндетін қойды.
Сондай-ақ қорғаныс ведомствосы өкілдері биылғы жылдың сәуір айында радиациялық, химиялық, биологиялық қорғау және экологиялық қауіпсіздік департаменті құрылғанын еске салды.
“Бүгінгі шындық Қарулы Күштерде соғыс кездерде де, бейбіт уақытта да түрлі сипаттағы ТЖ міндеттерін орындауға қабілетті “қос мақсаттағы” құрамдастардың болу қажеттілігін көрсетті. Бұл әскерлердің құрылымы мен құрамы қазіргі заманғы талаптар мен перспективалық міндеттерге сәйкес болуы тиіс”, – деді Қорғаныс министрлігінде.
Бұған дейін еліміздің Қорғаныс министрі Ақмола өңірлік гарнизонының әскери бөлімдерінде болып, COVID-19 індеті жағдайында олардың жауынгерлік дайындық жағдайын тексерді.
Сурет: sputniknews.kz
