Қорғаныс министрі Ақтөбе, Атырау және Маңғыстау облыстарына жұмыс сапарымен бараып, әскери бөлімдер мен мекемелерге болды.
Ақтөбеде генерал-лейтенант Нұрлан Ермекбаев Әуе қорғанысы күштері Әскери институтында оқу процесінің ұйымдастырылуын тексерді. Оған кафедралардың оқу-материалдық базасы, оқу сыныптарының жабдықтары ұсынылды. Әскери оқу орнының басшысы ЖОО-ның одан әрі даму перспективалары, орындалған және жоспарланған іс-шаралары туралы баяндады, деп хабарлады Қорғаныс министрлігі.
Институт басшылығы өз өндірісіндегі жаңа “виртуалды аэродром” жаттығу кешенін көрсетті. Ол жеке ұшақтар мен авиациялық топтар қонғанда ұшуды басқаруға мүмкіндік береді. Оның көмегімен курсанттар ұшу қауіпсіздігін бақылау және қамтамасыз ету негіздерін үйренеді. Кешеннің бағдарламалық жасақтамасы Л-39 ұшағының төрт оқу жаттықтырғышымен және Ми-8МТ тікұшағының екі симуляторымен ұштасқан.
Жаттақтырғыш кешенін институттың профессорлық-оқытушылық құрамы құрды, ал бағдарламалық қамтамасыз етуді бірінші курс курсанты Әлихан Дәулетұлы әзірлеген.
Қорғаныс ведомствосының басшысы әскери база объектілерін қарап шықты, бөлім командирін жауынгерлік және жұмылдыру әзірлігінің, бөлімшелердің жауынгерлік даярлығының жай-күйі туралы тыңдады, мерзімді қызметтегі әскерилерді орналастырудың тұрмыстық жағдайымен, қару-жарақ пен әскери техниканы сақтауды ұйымдастырумен танысты.
Сондай-ақ, Қорғаныс министрінің жұмыс сапарында Атырау және Ақтау гарнизондарына бару жоспары да бар.
