Генерал-лейтенант Нұрлан Ермекбаев қару-жарақты ұстау жағдайларына, әскери техниканы күзетуді ұйымдастыру тәртібіне, өртке қарсы және диверсияға қарсы қауіпсіздік жағдайына баса назар аударды. Сонымен қатар, Қорғаныс министрі Алматы гарнизонының сақтау базасында әскери инфрақұрылым нысандарының құрылысымен, сондай-ақ техниканы ұзақ сақтауға қою кезінде жөндеу және қызмет көрсету цехының жұмысымен танысты. Гвардиялық гарнизонда қорғаныс ведомствосының басшысы броньды танк техникасына ағымдағы және орташа жөндеу жүргізілетін қоймаларды және сақтау алаңдарын, жұмыс істеп тұрған цехты қарап шықты. Сондай-ақ, сақтау базаларының командирлері Қорғаныс министріне пайдаланылмайтын әскери мүлікті есептен шығару, бағалау және уәкілетті органға одан әрі беру жөніндегі жұмыс туралы есептерді ұсынды.
Пайдаланылмайтын әскери мүлік бойынша мәселені шешу қорғаныс ведомствосы жұмысының маңызды бағыты болып табылады. Кеңес заманынан бері Қарулы Күштерде белгіленген пайдалану мерзімін өткерген және пайдалануға жарамсыз материалдық құралдар сақталуда. Ұзақ жылдар ішінде алғаш рет Қорғаныс министрлігі ұзақ мерзімді сақтаудағы әскери техниканы толық түгендеу мен сұрыптауды жүргізді. Одан әрі қолдануға және жөндеуге жататын Техника Қарулы Күштердің теңгерімінде қалды. Пайдалануға жарамсыз-есептен шығарылады және уәкілетті органның ведомстволық бағынысты ұйымдарына (ИИДМ) беріледі. Бұдан әрі уәкілетті органның ведомстволық бағынысты ұйымдары (ИИДМ) пайдаланылмайтын әскери мүлікті кәдеге жаратады немесе баланстық құны бойынша өткізеді. Қазіргі уақытта Қорғаныс министрлігінің уәкілетті органның ведомстволық бағынысты ұйымдарына (ИИДМ) баланстық құны 100 миллиард теңгеден асатын пайдаланылмайтын әскери мүлікті беру процесі жүріп жатыр. Бұл мүлікті сатудан түскен қаражат мемлекеттік бюджетті толықтырады.
