Қорғаныс ведомствосының басшысы Алматы және Жамбыл облыстарына жұмыс сапарымен барды, деп хабарлайды ҚР Қорғаныс министрлігінің баспасөз қызметі. Тілендиев кентіндегі бітімгерлік даярлық оқу-жаттығу орталығында генерал-лейтенант Нұрлан Ермекбаев кезекті бітімгерлік контингент құрамында Ливанға кететін әскери қызметшілермен кездесті. Қорғаныс министрі жауынгерлерге арнаған сөзінде қауіпсіздік, ынтымақтастық және даму саласындағы сенімді серіктес ретіндегі Қазақстанның ұстанымын нығайтуда әскерилеріміздің бітімгершілік миссияға қатысуының маңыздылығын атап өтті. — Бүгін — сіздер үшін де, жалпы Қарулы Күштер үшін де ерекше күн. Ұзақ уақыт дайындық пен мұқият іріктеуден кейін сіздер өз тәжірибеңізді байытуға, жауынгерлік әлеуетті нығайтуға мүмкіндік беретін миссияны орындау үшін үлкен жолға шығасыз, – деп атап өтті генерал-лейтенант Нұрлан Ермекбаев. Қорғаныс ведомствосының басшысы бітімгерлерге әрқашан жауынгерлік жолдастық сезім болып, миссияның сәтті орындалып, үйлеріне аман-есен оралуын тіледі. Естеріңізге сала кетейік, Қазақстанның Ливандағы бітімгершілік миссиясы 2018 жылдың қазан айында басталды. Қазір онда Үнді батальоны құрамында төртінші қазақстандық бітімгершілік рота миссиясын аяқтайды. Қорғаныс министрінің жұмыс сапары жоспары бойынша, ол Алматы және Гвардейск гарнизондарының әскери бөлімдеріне барады.
Түркістан облысында із-түзсіз кеткен екі туристің мәйіті табылды
Қазіргі кезде аталған факті бойынша Түркістан облысының полиция департаменті сотқа дейінгі тергеуді бастады. Жүргізіліп жатқан іздеу жұмыстары барысында 29 мамырда сағат 00:30-да Өгем өзенінен екі адамның мәйіті табылды. Марқұмның бірі тауда жоғалып кеткен туристер тобының мүшесі, 1999 жылы туған азамат...
