ҚР Қорғаныс министрлігінің басшысы Нұрлан Ермекбаев оқ-дәрі қалдықтарының жарылысы туралы түсініктеме берді.
Естеріңізге сала кетейік, Арыс қаласынан 60 шақырым жерде қалған снарядтарды жою жұмыстарын орындау кезінде оқ-дәрі фрагментінің өздігінен детонациясы орын алған.
“Әскери бөлім аумағының ішінде жеке құрамды қауіпсіздендіру үшін барлық қажетті шаралар қабылданады. Өкінішке орай, әр түрлі себептермен детонация немесе жарылыс сияқты жағдайлар орын алуы мүмкін. Нақты себеп-салдарды тергеу анықтайды”, – деді Ермекбаев.
Сондай-ақ, Қорғаныс министрі зардап шеккен әскери қызметшілерге барлық қажетті медициналық көмек көрсетіліп жатқанын хабарлады.
“21-і күні зардап шеккен әскери қызметшілер ауруханаға жедел жеткізілді, оларға барлық қажетті медициналық көмек көрсетіліп жатыр. Біреуінің жай-күйі орташа ауырлықта,алтауының жағдайы қанағаттанарлық. Жақында олар қатарға орала алады деп үміттенеміз”, – деп толықтырды министр.
Сонымен қатар, қорғаныс ведомствосының басшысы әскери қызметшілер жұмысты орындау кезінде алған жарақаттары үшін материалдық өтемақы алатындығын атап өтті.
“Сауыққаннан кейін әскери қызметшілердің денсаулық жағдайын медицина қызметкерлері бағалайды. Егер олар жарамды деп танылса, әрине, олар қатарға оралады. Тұрғындарға бұл туралы алаңдаудың қажеті жоқ. Әскери бөлімнен тыс жерлерде табуға естен шығаруға болмайды. Бірақ қалған фрагменттердің 99% жарылмайды. Дегенмен, біз тұрғындарды өте сақ болуға және қауіпсіздік шараларын сақтауға шақырамыз. Әскери бөлімнің ішінде қауіп бар. Онда жұмыстар әлі де көп”, – деп атап өтті Ермекбаев.
