Қазақстан Қорғаныс министрлігінің басшысы Нұрлан Ермекбаевтың төрағалығымен бейнеконференцбайланыс режимінде өткен кеңесте Арыста орын алған снаряд жарылысының салдарын жою мәселесі талқыланды, деп хабарлайды республикамыздың қорғаныс ведомствосының баспасөз қызметі.
Видеоконференция барысында қатысушылар құрама инженерлік-саперлік жасағының жаңа құрамы алдындағы міндеттерді нақтылады, ол жақында ротация аясында Арыс қаласына оқ-дәрі жарылыстарының салдарын жою жұмыстарын жалғастыру үшін келді.
Сондай-ақ, коронавирус инфекциясын жұқтырудың алдын алу және белгіленген карантиндік шараларды сақтауға байланысты мәселелерге назар аударылды.
Бейнеконференция аясында Қазақстан Қарулы Күштерінің одан әрі дамуына қатысты мәселелер көтерілді.
Қазір Қорғаныс министрі өзін-өзі оқшаулауда. Оның оқшаулануы Ұлы Отан соғысы Жеңісінің 75 жылдығына арналған салтанатты іс-шараға қатысу үшін Ресей Федерациясының астанасына жоспарланған сапарына байланысты.
