Қазақстан Республикасының Қорғаныс министрі Нұрлан Ермекбаев Арыс қаласына келді. Онда бүгін таңертең әскери қоймада жарылыс болды. Бұл туралы ҚР Қорғаныс министрлігінің баспасөз қызметі хабарлады.
«ҚР Қорғаныс министрі Н. Ермекбаев оқиға орнына келді», — деп хабарлады ҚР Қорғаныс министрлігінің баспасөз қызметі.
Естеріңізге сала кетейік, сағат 9.20-да өртке қарсы қызмет пультіне Арыс қаласындағы оқ-дәрі қоймасында жарылыс туралы хабарлама келіп түсті. Жарылыстың себебі оқ-дәрілердің жануы болды. Жарылыс орнына арнайы құрылған комиссия жіберілді, сондай-ақ Арыс қаласына Қазақстанның Қорғаныс министрі Нұрлан Ермекбаев ұшып кетті.
Ведомствоның соңғы мәліметтері бойынша, оқиға орнында қазір өрт сөндіру және эвакуациялау жұмыстары жүргізілуде. Сондай-ақ, онда облыс әкімі бастаған жұмыс тобы жұмыс істейді. Арыс әкімі қаладан 50 шақырым қашықтықтағы Монтайтас ауылдық округі тұрғындарын көшіруге өкім берді. Ол үшін 20 автобус бөлінді. Шымкент қаласының әкімдігі тұрғындарды көшіру үшін тағы 36 автобус жіберді. Қазір Шымкентте 15 эвакуациялық пункт ашылды.
Еліміздің әр өңірінде жарылысқа байланысты арнайы жедел желілер ашылды.
«Жолаушылар тасымалы» АҚ Шымкент – Арыс – Тимур бағытындағы рейстердің кешігетінін мәлімдеді.
Жарылыс салдарынан шамамен он адам зардап шекті. Үшеу ауыр халде.
