Оңтүстік кореялық SIGONGTECH компаниясы біздің республикамызға СОVID-19 тест, жеке қорғаныс құралдары және биоматериалдарды жинауға арналған контейнерлер түрінде гуманитарлық көмек жіберді. Бұл туралы «Қазақпарат» жаңалықтар ресурсы хабарлайды.
Гуманитарлық көмек Оңтүстік Кореядан осы елдегі қазақстандық дипломатиялық өкілдіктің және Тұңғыш Президент Нұрсұлтан Назарбаев Қорының қолдауымен жеткізілді.
Гумкөмек құрамында коронавирустық инфекцияны анықтауға арналған 2 мың тест, 2,5 мың R-Guard3000 қорғау костюмдері және биоматериалдарды жинауға арналған 20 мың контейнерлер бар, олар кейін талдау жүргізу үшін пайдаланылады. Олардың бәрі Оңтүстік Кореяда өндірілген.
Гуманитарлық көмек Нұр-Сұлтандағы Қоғамдық денсаулық басқармасының және Қазақстан денсаулық сақтау министрлігінің қарамағына берілді. Олар Астана мен Алматының медициналық ұйымдарына бөлінеді, өйткені осы қалаларда COVID-19 ең көп жұқтыру байқалады.
Медициналық құралдарды Қазақстан өкілдеріне тарсыру кезінде SIGONGTECH компаниясының атқарушы директоры Ко Юн Сан қазіргі уақытта Оңтүстік Корея үшін де, Қазақстан Республикасына да ауыр кезең екенін атап өтті.
«Бұл гуманитарлық көмекті біз ең алдымен Қазақстан халқының қауіпсіз және сау болатынына үмітпен беріп отырмыз. Біз осы күрделі жағдайды бірге еңсереміз деп сенемін», — деді Ко Юн Сан.
Сурет: inform.kz
