Коронавирустық инфекциядан туындаған экономикалық дағдарыс кезеңінде біздің республикада несиелік рақымшылық жүргізу, азаматтар мен шағын және орта кәсіпкерлерге қолдау көрсетуге бағытталған қосымша шаралар қабылдау туралы әңгімелер өткір талқылана түсті.
Осы тақырыпты қарастыра отырып, Қазақстан Коммунистік Халық партиясы ипотекалық несие алушылар мен банктерден тұтынушылық несие алған азаматтардың қиын жағдайына назар аударды.
Жақында коммунистер Республика Үкіметіне депутаттық сауал жолдап, онда қарапайым азаматтар мен шағын және орта бизнесті қолдау жөніндегі шараларды іске асыруға кірісуді ұсынды. Коммунистердің пікірінше, несиелік рақымшылық жасаудан бастау керек.
Бір қызығы, ипотекалық несие берушілер мен борышкерлердің проблемаларын тек парламенттік партия ғана емес, Жанболат Мамай басшылық ететін тіркелмеген «оппозициялық» Демократиялық партия да көтерді.
Демпартияның жақтастары назар аударту үшін, Ақорда қабырғасында несиелік рақымшылық жасауды талап етті. Олар тіпті Алматы билігімен келісілген митинг өткізіп, онда қарыздарды есептен шығаруды ғана емес, шетелдіктерге жер телімдерін жалға беруге тыйым салуды да талап етті.
Азаматтарды толғандыратын мәселелерді көтере отырып, «оппозиция » тек халықтың мүддесін жақтайтынын дәлелдегісі келеді. Алайда, егер келесі жылы Қазақстанда Мәжіліс сайлауын өткізу жоспарланғанын ескеретін болсақ, онда, Демпартия ресми түрде тіркеліп, Парламенттен орын алу үшін ұпай жинуға тырысып жатуы мүмкін.
Нұрлан Фадеев, саяси шолушы, арнайы «Эхо Казахстана» үшін»
Сурет: liter.kz
