Қазақстан, Нигерия , Венесуэла және басқа да мемлекеттерді қоса алғанда, ОПЕК құрамына кіретін елдердің бірнеше министрлері бейресми бейнеконференция өткізді. Бұл туралы Twitter әлеуметтік желісіндегі ОПЕК+-тің баспасөз қызметінен хабарлады.
Телекөпір барысында қатысушылар осы жылдың 12 сәуірінде қол жеткізілген уағдаластықтардың негізінде мұнай өндіруді азайту жағына өзінің бейілділігін растады,сондай-ақ мұнаймен байланысты жағдайды талқылау және бақылау үшін тұрақты негізде осындай бейнетаспаларды өткізуге шақырды.
Кездесу қарсаңында Халықаралық энергетикалық агенттіктің басшысы Фатих Бироль ОПЕК+ мемлекеттерін нарықтағы жағдайды тұрақтандыру үшін мұнай өндіруді одан әрі жылдам қысқарту мүмкіндігін қарастыруға шақырды.
WTI Солтүстік Америка мұнайының бағасы осыдан екі күн бұрын тарихта алғаш рет өткен жылдың мамыр айында қол қойылған фьючерстік келісім-шарттар мерзімінің аяқталуына дейін барреліне 37,6 долларға дейін көтерілді. Бұған дейін Халықаралық энергетикалық агенттіктің бағалауына сәйкес, тәулігіне 29 миллион баррель құрауы мүмкін мұнайға сұраныстың рекордтық төмендеуі себеп болды.
Сонымен қатар, әлемдік мұнай қоймалары толып жатыр, ал мұнай өндіруді төмендету бойынша ОПЕК+ мәмілесі мамыр айында ғана әрекет ете бастайды.
ОПЕК+ қатысушы елдері 12 сәуірде шұғыл телеконференция барысында мұнай өндіруді қысқарту туралы келісімге қол қойды. Ол мұнай өндірудің мамыр — маусым айларында тәулігіне 9,7 миллион баррельге, шілде — желтоқсан айларында 7,7 миллионға, 2022 жылғы қаңтар айында — тәулігіне 5,8 миллион баррельге төмендеуін болжайды.
Келесі жылдың желтоқсанында осы мәміленің шарттары қайта қаралуы мүмкін.
Сурет: tass.ru
