Омбы қаласында «Шекаралық ынтымақтастықты дамытудың өзекті мәселелері» тақырыбында Қазақстан мен Ресей ынтымақтастығының өңіраралық форумы өтеді. Шара 6-7 қарашаға жоспарланды.
Өңіраралық форум аясында Еуразиялық экономикалық комиссия өкілдерінің қатысуымен «Ресей мен Қазақстан арасындағы шикізаттық емес экспортты дамыту» тақырыбында панельдік сессия өтеді.
Панельдік сессияда қызметтер экономикасын дамытуға қатысты мәселелер талқыланатын болады. Сонымен қатар, тараптар инвестициялық жобаларды және бірлескен өндірістер құру мәселелерін қарастырады.
Сонымен қатар, іс-шарада реттеушілік заңнаманың реформаларына және сауда кедергілерін төмендетуге, сондай-ақ ЕАЭО-да бәсекелестік, монополияға қарсы реттеу және мемлекеттік сатып алуды ұйымдастыруға қатысты мәселелерге назар аударылатын болады.
«Біз таңдаған тақырып көп қырлы: агроөнеркәсіп секторын өзара тиімді дамыту, жоғары технологиялық өндірістерді дамыту және логистикалық мүмкіндіктерді бірлесіп пайдалану», – деді «РЭО» вице-президенті Игорь Жук.
Сурет: tengrinews.kz
