Омбыда қазақстандық суретші Амангелді Шәкеновке арналған ескерткіштің салтанатты ашылу рәсімі өтті. Бұл туралы Қазақстан Республикасының сыртқы саясат ведомствосының баспасөз қызметі хабарлайды.
Қазақстан сыртқы істер министрлігінің ақпараты бойынша, суретші Амангелді Шәкеновке арналған ескерткіш Қазақстан консулдығының жанында, Ленин көшесінде ашылды.
Қазақстанның Ресейдегі төтенше және өкілетті елшісі Иманғали Тасмағамбетов ескерткіш ашылуына байланысты Омбы әкімшілігі мен Омбы облысының губернаторы Александр Бурковқа алғысын білдірді.
«Әрине, Амангелді Әбдірахманұлы суретші ретінде Ресейде қалыптасты, бірақ Қазақстанда да үлкен танылып,құрметке ие болды. Қазақстан Суретшілер Одағының академигі бола отырып, ол біздің елдеріміз арасындағы рухани байланыстарды дамытуға баға жетпес үлес қосты. Сондықтан оның мүсіні Қазақстанның Омбыдағы өкілдігінің жанында орналасқаны терең мағынаға ие. Оның көптеген жұмыстары әрқашан ресейліктердің де, қазақстандықтардың да жүрегін толқытатынына сенімдімін, ал оның өзі біздің жадымызда екі бауырлас халықтың ұлы болып қалады», — деді Тасмағамбетов.
Омбы облысы үкіметі төрағасының бірінші орынбасары Валерий Бойко, Амангелді Шәкенов өзінің шығармашылығында орыс және қазақ мәдениетін ұштастыра алған өз ісінің нағыз шебері болғанын айтты.
«Шынайы суретшілер бояуларды пайдаланады, бірақ сезіммен жазады дейді. Амангелді Әбдірахманұлы Шәкенов дәл осындай болды. Екі мемлекеттің де мәдениетінде жарқын із қалдырған адамға арналған ескерткіш Ресей мен Қазақстанның аймақаралық ынтымақтастық форумы күндері ашылып жатқанының символдық мәні бар. Біздің елдеріміз географиялық орналасуы мен мықты экономикалық байланыстарымен ғана жақын емес, сонымен қатар, осы тамаша монументтен көруге болатын, жалпы мәдени дәстүрлер жақындастырады», — деді Бойко.
Сурет: mfa.gov.kz
