Ресей Федерациясының астанасында 2019 жылы 7 қарашада Омбы қаласында өтетін Ресей мен Қазақстан арасындағы Өңіраралық ынтымақтастық форумына дайындық мәселелері бойынша кеңес өтті.
Кеңес барысында оның қатысушылары форумды ұйымдастыруға қатысты мәселелерді талқылады, сондай-ақ форум өтетін күні “Ресей мен Қазақстанның экспорттық әлеуеті” көрмесін өткізу туралы мәселе қозғалды.
“«Омбы облысында екіжақты қарым-қатынастар үшін маңызды оқиға – сауда-саттықтың, инвестициялардың перспективалы бағыттарында және іскерлік байланыстарды әртараптандырудағы мемлекеттік шенеуніктердің, бизнес көшбасшыларының және аймақтық көшбасшылардың арасында ашық және еркін қарым-қатынас жасаудың кешенді алаңы болып табылатын Ресей-Қазақстан аймақаралық форумы өтеді. Омбы қаласы осы оқиғаға белсенді дайындалуда – инфрақұрылым және қалалық орта нысандарын қайта құру, ғимараттар мен құрылыстарды жөндеу, іргелес аумақтарды абаттандыру, автомобиль жолдарын жөндеу жұмыстары қарқынды жүруде”, – деді Ресей президентінің кеңесшісі Антон Кобяков.
Омбы облысының губернаторы Александр Бурков Антон Кобяковтың сөзін тыңдап, өңір үшін халықаралық ауқымды шара өткізу үлкен құрмет және жауапкершілікті талап ететінін мәлімдеді. Бурков өңіраралық форумды ұйымдастыруға ерекше назар аударатынын айтты.
“Форум біз үшін маңызды емтихан, халықаралық деңгейдегі билік органдарының жұмыс сапасын тексеру болмақ.Мұндай міндетті орындауға шамамыз жететініне сенімдімін,біз халықаралық саммитке лайықты деңгейде қарсы аламыз”, – деді Александр Бурков.
Отырыс қорытындысы бойынша қатысушылар форум өңіраралық деңгейде өтетінін ескере отырып, іс-шараны ұйымдастыруға Ресейдің үздік сарапшыларын тарту, сондай-ақ шетелдік мамандардың тәжірибесін пайдалану қажет деген шешім қабылдады.
Сурет: Ktk.kz
