Жаңа оқу жылының басталуы біздің азаматтарымызда жаңа проблемалар туындатты. Қазақстандық интернет сегментінде қазір ай сайынғы жазылым бойынша қол жеткізуге болатын, ақылы оқулықтар платформасы белсенді талқылануда.
Алматы тұрғындарының бірі Павел Александров, басқа да көптеген азаматтар сияқты, ақылы электронды оқулықтар порталына біздің Республикамыздың білім Министрлігінің сайты арқылы түскенін айтты.
“Білім министрлігі мектепке арналған электронды оқулықтарды жүктеуге болатын сілтемені жариялады. Сілтеме сыртқы ресурстарға нұсқайды, онда бұл кітаптарды ақылы жүктеу керектігі көрсетіледі. Жазылым ай сайын. Оpiq.kz сайт қандай да бір шетелдік адамға тиесілі екен. Яғни, біз өз елімізде Қазақстан Министрлігінің талабы бойынша қазақстандық оқулықтар үшін шетелдік біреулерге ақша төлейміз”,-деп наразылық білдірді алматылық.
Бұл туралы “Оқулық” республикалық ғылыми-практикалық орталығының директоры Ғани Бейсембаев пікір білдірді. Оның айтуынша, министрліктің сайтында орналастырылған оқулықтар тегін, ал орын алған жағдай – техникалық қате, оны мамандар жақын арада жояды.
Қазақстан Білім министрлігінің өкілдері өз кезегінде ақылы оқулықтар туралы ақпаратты кейінірек ұсынуға уәде берді.
Сурет: schoolcard.com
