Цифрлық даму, инновациялар және аэроғарыш өнеркәсібі вице-министрі Бағдат Мусин желідегі пайдаланушылар үшін 600-ге жуық тегін білім беру алаңдары қолжетімді болатынын хабарлады.
“Білім беру платформалары үшін біз серверлерді Қазақстанға “сүйреп” қана қоймай, оларды республикалық интернет желісіне жүктеме аз болатындай етіп орналастырдық. Яғни, біз серверлерді локализацияладық. Бір отандық платформа бар – Bilimland. Бұл, негізінен, танымал. Онымен көптеген әкімдіктер келісім жасайды, сондықтан біз оның серверлерін 10 data-орталықтарға орналастырдық. Трафикті тек жақын деректер орталығына жеткізу үшін. Бұрын бәрі Алматы арқылы өтетін, бұл трафикті ұйымдастыруда, ресурстың қол жетімділігінде белгілі бір қиындық тудырды”, – деп Бағдат Мусин түсіндірді.
Вице-министрдің айтуынша, мамандар дұрыс маршруттау жасап, осы білім беру алаңдары үшін баптаулар жасады.
Мусин 2019-2020 жылдардағы соңғы оқу тоқсанында 380 білім беру порталдары жұмыс істегенін еске салды, оларға операторлар тегін қол жеткізді. Ол осы оқу жылының басында олардың саны 600-ге дейін өскеніне назар аударды. Министрдің орынбасары кез-келген тарифтік жоспарда трафик осы 600 сайттың әрқайсысының пайдаланушыларына жазылмайды деп атап өтті.
Сурет: inform.kz
