Корея Республикасының президенті Мун Чжэ Ин Орталық Азия елдеріне сапары аясында Қазақстанға келеді, деп хабарлайды Tengrinews.kz тілшісі.
Мун Чжэ Инның Қазақстанға мемлекеттік сапары 21-23 сәуір аралығында өтеді. Сапар аясында Қасым-Жомарт Тоқаев және Нұрсұлтан Назарбаевпен кездесу жоспарланған. Жоғары деңгейдегі келіссөздерде екіжақты ынтымақтастық, ең алдымен сауда-экономикалық мәселелер талқыланады.
Жаңа технологиялар, инфрақұрылым, өнеркәсіп және ауыл шаруашылығы салаларын қамтитын жаңартылған “Жаңа жел” ынтымақтастық бағдарламасы мен сотталған адамдарды беру туралы шарттарды қоса, бірқатар екіжақты келісімдер мен меморандумдарға қол қою жоспарлануда.
Сондай-ақ Мун Чжэ Ин Алматыдағы Корей диаспорасымен кездеседі.
Сурет: reutors
