“Халық адал қызмет” қоғамдық қорының өкілі Болат Жұматаев бейбіт жиналыстар өткізуге байланысты жаңа заң жобасына қатысты өз пікірін білдірді, деп хабарлайды “Қазақпарат” ақпарат агенттігі.
Оның айтуынша, кез-келген азамат іс-шараны өткізу туралы ақпарат ала алуы үшін, Қазақстан Республикасындағы митингілер мен жиналыстарға түскен барлық өтініштер бір тізілімде болуы тиіс.
Сонымен қатар, Болат Жұматаев бұл тізілімде рұқсат берілмеген өтінімдер көрсетілуі тиіс екенін атап өтті. Оның айтуынша, бұл қазақстандықтарға қанша митинг ұйымдастыру жоспарланғанын және іс жүзінде қанша іс-шара бар екенін көруге мүмкіндік береді.
Сонымен қатар, қоғам өкілдері мемлекеттік БАҚ-тарға бюджеттен қаражат бөлінетіндіктен, олар республикада болып жатқан қоғамдық белсенділік туралы жазуға тиіс, сондықтан барлық бейбіт митингілер мен жиналыстарды міндетті түрде жариялауы жөнінде ұсыныс жасады.
Қоғамдық қордың өкілі мұндай ұсыныстарды Алматыдағы ақпарат министрлігінің басшысы Дәурен Абаевтың азаматтық белсенділермен кездесуінде айтты. Кездесу аясында «Қазақстанда бейбіт жиналыстар, митингілер, шерулер, пикеттер мен наразылық білдірулерді ұйымдастыру және өткізу тәртібі туралы» заң жобасы талқыланды.
Сурет: Kaztag.info
