Бүгін Үндістан астанасында Әл-Фараби атындағы Қазақ-Үнді ғылыми-білім беру және мәдени орталығының салтанатты ашылуы өтті. Бұл туралы ҚР сыртқы істер министрлігінің баспасөз қызметі хабарлады.
Әл-Фараби атындағы Қазақ ұлттық университеті Үндістандағы Қазақстан елшілігімен бірлесіп осы жобаны жүзеге асырумен айналысты.
Орталықтың ашылуы әл-Фарабидің 1150 жылдығына орайластырылды.
Орталық директоры Мир Хуссейн тілек білдіруші орталықта қазақстандық оқыту жүйесімен, студенттермен алмасу бойынша қолданыстағы бағдарламалармен таныса алатынын, сондай-ақ онда Қазақстанда білім алуға ниет білдірушілерге барлық қажетті кеңестер берілетінін мәлімдеді.
Орталықтың салтанатты ашылу рәсіміне Үндістанның Жастар ісі және спорт министрі Кирен Риджиджу саяси, іскерлік, қоғамдық орта, ғылыми-зерттеу институттары, талдау орталықтары мен үнді БАҚ өкілдері қатысты.
Сурет: Inform.kz
