Мәжіліс төрағасы Нұрлан Нығматулин көктем және жаңару мерекесі – Наурыз мейрамымен құттықтады, деп хабарлайды zakon.kz.
«Наурыз мейрамының терең мағынасы мен символикасы әлемнің көптеген халықтарының мәдениетінің игілігіне айналатын мереке. Көктемгі жаңару мен рухани бірліктің символы ретінде бұл күн мәңгілік жалпыадамзаттық құндылықтардың: мейірімділік, өзара көмек және қолдаудың маңыздын білдіреді.
Наурыз мерекесінің негізгі қағидаттары — халық бірлігі, бейбітшілік пен келісім, өзара құрмет пен көршілер татулығы. Бұлардың бәрі Қазақстанның Тұңғыш Президенті — Елбасы Нұрсұлтан Назарбаевтың, мемлекет басшысы Қасым-Жомарт Тоқаевтың бағдарларындағы басымдық.
Қазіргі қиын жағдайда бүкілхалықтық мерекенің маңызы айтарлықтай артып келеді. Наурыз мейрамы зор шабыт беретін күшке ие бола отыра жарқын болашаққа үміт сыйлайды.
Наурыз мейрамымен шын жүректен құттықтаймын! Осы тамаша мереке қазақстандықтарға зор денсаулық пен бақыт әкелсін, әрбір үйде, әрбір отбасында амандық пен келісім салтанат құрсын!»,- деді Мәжіліс спикері Нұрлан Нығматулин.
