Бүгін Мәжілісте Палата Төрағасы Нұрлан Нығматулин Австрия Федералдық Жиналысы Федералдық Кеңесінің спикері Инго Аппемен кездесті.
Кездесу барысында Нұрлан Нығматулин атап өткендей, біздің еліміз Еуропадағы маңызды серіктестердің бірі ретінде Австриямен ынтымақтастыққа ерекше мән береді. Сонымен қатар, Мәжіліс Спикері жақында қабылданған Еуропалық Одақтың Орталық Азия бойынша Стратегиясы Қазақстан-Австрия өзара іс-қимылын өңірлік форматта нығайтуға ықпал ететініне сенім білдірді.
Халықаралық әріптестермен қарым-қатынасты дамытудың маңыздылығы туралы айта келе, Нұрлан Нығматулин Бірінші Президент-Елбасы Нұрсұлтан Назарбаев салған Қазақстанның сыртқы саясатының басты бағыттары өзгеріссіз қалатынына назар аударды.
Мәжіліс спикерінің айтуынша, Австриямен ынтымақтастықтың болашағы зор салалары-инвестициялық жобалар, ауыл шаруашылығы, сандық экономика, инфрақұрылымдық даму, “жасыл технологиялар”.
Нұрлан Нығматулиннің пікірінше, Қазақстан-Австрия қатынастарының маңызды құрамдас бөлігі парламентаралық өзара іс-қимыл болып табылады. Мәжіліс Төрағасы заң шығару қызметі тәжірибесімен алмасу үшін бейінді комитеттер мен ынтымақтастық жөніндегі топтар арасында тығыз байланыстар орнатуға мүдделілік білдірді.
Нұрлан Нығматулин австриялық әріптестерін “Үлкен Еуразия: Диалог. Сенім. Серіктестік” Европалық және Азиялық елдерінің парламент спикерлерінің IV кездесуіне шақырды, 23-24 қыркүйекте Нұр-сұлтан қаласында өтетін.
Өз кезегінде Австрияның Федералдық Жиналысы Федералдық кеңесінің төрағасы Инго Аппе парламентаралық қатынастарды нығайтуды қолдады. Сондай – ақ, Инго Аппе Қазақстанда алғаш рет болып, еліміздің және астананың-Нұр-сұлтан қаласының даму қарқынымен таңданғанын атап өтті.
Сурет: nur.kz
