Бүгін Қазақстан Президенті Қасым-Жомарт Тоқаев “Nur Otan” партиясы төрағасының бірінші орынбасары Мәулен Әшімбаевпен кездесті. Бұл туралы Ақорданың баспасөз қызметі хабарлады.
Токаевқа партия қызметінің барысы, “Nur Otan” партиясының XVIII съезінде қабылданған шешімдердің және “Баршаның әл-ауқаты! Сабақтастық, әділдік, прогресс” Сайлау алды бағдарламасын іске асыру жөніндегі іс-қимыл жоспары туралы мәлімет берді
Тоқаев партия қызметінің барлық бағыттары бойынша, соның ішінде қазақстандықтардың әл-ауқатын жақсартуға бағытталған сайлау алдындағы бағдарламаны іске асыруда ұйымдаса және белсенді жұмыс атқарудың маңыздылығын атап өтті. Президент билік пен қоғам арасындағы екіжақты диалог құрудағы партияның үлесін атап өтті.
” Ұлттық қоғамдық сенім кеңесі нақты диалог алаңы болуы тиіс. Кеңес жұмысына барлық мүдделі және жауапты саяси күштер: партиялар, үкіметтік емес ұйымдар және басқалар қатысуы тиіс”, – деді Қасым-Жомарт Тоқаев
Сондай-ақ Әшімбаев президентті барлық облыстық филиалдарда Арыс қаласындағы оқ-дәрілердің жарылуынан зардап шеккендерге гуманитарлық көмек жинау ұйымдастырылып жатқаны туралы хабардар етті.
Сурет: Inform.kz
