Біздің республикамызда Nur Otan партиясының бақылау комитетінің отырысы өтті, оның барысында Қазақстанда коронавирус жұқтырған дәрігерлерге өтемақы төлеу бойынша жүргізіліп жатқан жұмыс қаралды, деп хабарлайды “ҚазАқпарат” жаңалықтар ресурсы.
Отырысқа денсаулық сақтау және еңбек вице-министрлері Людмила Бюрабекова мен Ербол Оспанов шақырылды.
билеуші партияның партиялық бақылау комитетінің басшысы Павел Казанцев жиналғандар алдында сөйлеген сөзінде бүгінгі таңда коронавируспен ауырған 1093 дәрігер ғана ақшалай төлемдер алғанын атап өтті, ал елімізде инфекция жұқтырған медицина қызметкерлерінің жалпы саны 11 293 адам.
Сондай-ақ, Nur Otan өкілдері елімізде коронавирустық инфекцияны жұқтырудан 186 медицина қызметкері қайтыс болғанын айтты, бірақ қаза болғандардың тек 9 отбасына өтемақы төленді.
Өз кезегінде депутат Мұрат Теміржанов кейбір өңірлерде медициналық қызметкерлер жұмыс ауысымы аяқталғаннан кейін, COVID-19-ға міндетті тестілеу рәсімінен өтпейтінін айтты.
“Мен өзім Көкшетау ауруханасында ауысым кезінде болдым, адамдар автобусқа мініп, кетіп қалды. Шын мәнінде, осы 4-5 айдың ішінде бұл адамдар бас санитарлық дәрігердің қаулысын бұзды. Сонда Сіз (Денсаулық сақтау министрлігі) олардың қайсысы ауырып келгенін немесе ауысымнан кім қанай жағдайда шыққанын қалай анықтадыңыз? Кім қайда жұқтырғанын қалай анықтауға болады?”,- деп кейіді депутат.
Осының негізінде партияның бақылау комитетінің мүшелері Людмила Бюрабекова мен Ербол Оспанов сөгіс түрінде жауапқа тартылуын талап етті.
Денсаулық сақтау және еңбек вице-министрлері өз кезегінде жақын арада коронавируспен ауырған дәрігерлерге өтемақы төлеу мәселесі шешілетінін айтты.
