Nur Otan партиясы төрағасының бірінші орынбасары Бауыржан Байбек партия ішіндегі праймериздерде дауыс беруде бақылаушылар басшылыққа алуы тиіс ережелерді айқындағанын хабарлады.
Сонымен, үміткердің сенімді тұлғасы бастапқы дауыс беруді бақылай алады. Оның құқығына учаскедегі дауыстарды санауды және дауыс беру қорытындыларын ресімдеуді қадағалау, тасымалданатын жәшіктерге ілесіп жүру кіреді. Праймеризге бақылаушы есеп комиссиясының шешіміне шағымдана алады, сондай-ақ пайдаланылмаған бюллетеньдерді өтеу кезінде қатыса алады.
Егер байқаушы праймериздерге дауыс беру кезінде бұзушылықтарды анықтаса, ол бұл туралы ақпаратты есеп комиссиясының мүшелеріне жеткізуі тиіс. Ол сондай-ақ аумақтық және аймақтық партиялық бақылау комиссияларына шағым беруге құқылы. Егер оның өтінішін қарау нәтижелері қанағаттандырмаса, онда байқаушы партиялық бақылаудың Орталық Комитетіне шағымдана алады.
Сондай-ақ, Бауыржан Байбек отандық әзірлемелер базасында онлайн-режимде дауыс беруге арналған «Праймериз» ақпараттық жүйесінің құрылғанын хабарлады.
Nur Otan төрағасының бірінші орынбасарының мәліметінше, алғашқы екі күнде партиялық праймеризге қатысуға 3209 адам өтініш берген, оның 2130 — ы өзін-өзі ұсынушылар.
Сурет: rus.azattyq-ruhy.kz
