Қазақстанның оңтүстік астанасында Германия экономикасының 21-ші Күні өтті,деп хабарлайды Қазақстан Республикасының сыртқы саясат ведомствосының баспасөз қызметі.
Қазақстан Сыртқы істер министрлігінің ақпараты бойынша, шараға Алматы әкімінің орынбасары Сапарбек Тұяқбаев, еліміздің сыртқы істер министрлігінің ерекше тапсырмалар жөніндегі елшісі Ерлан Хаиров, Мәжіліс депутаты Альберт Рау, Германияның Қазақстандағы елшісі Тило Клиннер және “Қазақ Инвест” директорлар кеңесінің тәуелсіз мүшесі Ульф Вокурка қатысты.
Іс – шара барысында үш панельдік сессия өткізілді: “Қазақстан экономикасын трансформациялау”, “Логистика және Жібек жолы” және “Инвестицияларды қорғау-заңды және салықтық негіздемелік шарттар”.
Шара аясында неміс бизнесмендері елімізде бизнес жүргізу мәселелеріне назар аударды. Неміс бизнесі өкілдері Қазақстанда бизнесті жүргізу үшін бірқатар мәселелерді шешу қажеттігін атап өтті. Бұл салық төлеуден босату және кедендік жеңілдіктер беру, болашақта қызмет аймағын үшінші елдер пайдасына асыра алатын шағын және орта шетелдік инвесторлардың қызметіне көңіл бөлінбеуі.
Осыған байланысты Германияның инвесторларына республиканың мүдделі құрылымдарымен туындаған мәселелерді шешу үшін Қазақстан Астанасына бару ұсынылды.
