Неміс Бундестагының депутаттары Қазақстан президенті Қасым-Жомарт Тоқаевтың халққа Жолдауының негізгі аспектілерін талқылады.
Неміс депутаттары Қасым-Жомарт Тоқаев заманауи Қазақстанды даму және реформалау жолына жетелеп келеді деп санайды.
Бундестаг депутаты Манфред Грунд Тоқаев әлеуметтік саясатқа ерекше назар аударатынын айтты. Ол біздің Президентіміз қазақстандықтардың несиесін есептен шығару туралы шешім қабылдағанын дұрыс деп санайды.
Сонымен қатар, Манфред Грунд Қасым-Жомарт Тоқаев бірінші орынға «еститін мемлекет» тұжырымдамасын қойып, дұрыс бағыт бергенін атап өтті.
«Президент Тоқаев Қазақстанның одан әрі дамып, болашақты ойлау керектігін айтады. Барлық деңгейде халықпен диалогты күшейту аса маңызды. Шенеуніктер халықты естуі тиіс. Сондай-ақ, көппартиялықты дамыту және сот жүйесінде реформалар жүргізу маңызды. Менің ойымша,бұл демократияны нығайту бағыты. Тоқаев қойған тағы бір маңызды міндет-сыбайлас жемқорлыққа қарсы күрес. Біз өз тарапымыздан тәжірибе алмасуға дайынбыз», — деді Грунд.
