Бүгін Неапольде Универсиада-2019 финалы өтетінін Olympic.kz сілтеме жасай отырып, inbusiness.kz хабарлады.
Қазақстан Республикасының құрамасы биылғы Универсиаданы жеті медальмен аяқтады. Жалғыз алтын медальді дзюдошы Ғалымжан Қырықбай жеңіп алды. Ол абсолютті салмақ дәрежесінде жеңімпаз атанды.Біздің спортшылар бес рет тұғырдың екінші сатысына көтерілді. Күміс медальді гимнастшылар Нариман Курбанов пен Милад Карими, жеңіл атлет Михаил Литвин, таэквондошы Смайыл Дүйсебай (87 кг дейін) және Зоя Кравченко (стенд ату) иеленді. Сәрсенкүл Рысбекова (стендтік ату) өз өнерін үшінші орында аяқтады. Медальдық есепте Қазақстан 25-ші орында. Ерлер су полосы бойынша медальдарды бөлу бұл көрсеткішке әсер етпейді.
Универсиаданың соңғы күнінде үшінші орын үшін ерлер су полосында финал мен матч өтеді. Алтын үшін Италия мен АҚШ күреседі,ал қола тағдыры Ресей-Венгрия ойынында шешіледі. Универсиадаға Қазақстаннан 94 спортшы қатысты.
