Біздің республикамыздың инвестициялық мүмкіндіктерімен танысу мақсатында Үндістанның іскер топтарының өкілдері үшін “Қазақстан-Үндістан: жаңа жаһандық сын-қатерлер жағдайындағы экономикалық ынтымақтастық” тақырыбында вебинар ұйымдастырды, деп хабарлайды Қазақстан Республикасының сыртқы саясат ведомствосы.
Вебинарды ұйымдастырған біздің еліміздің Үндістандағы елшілігі және экспортты ілгерілетумен және Қазақстанға инвестиция тартумен айналысатын Kazakh Invest ұлттық компаниясы.
СІМ хабарлағандай, іс-шараға Қазақстан дипломаттары, Kazakh Invest басшылығы және 100-ден астам ірі Үнді бизнесі өкілдері қатысты.
Вебинарға қатысушылардың алдында сөйлеген сөзінде біздің мемлекеттің Үндістандағы төтенше және өкілетті елшісі Ерлан Әлімбаев ағымдағы жылдың бес айында екі ел арасындағы өзара сауда көлемі 1,57 миллиард долларға жеткенін атап өтті.
Екі ел арасындағы сауда-экономикалық ынтымақтастықты дамыту туралы айта келе, Қазақстан өкілдері Үндістан тарапына республикамыздың жаңа инвестициялық жобаларына қатысуды ұсынды.
Осыған байланысты Kazakh Invest өкілдері Үнді бизнесмендерін Қазақстанның инвестициялық мүмкіндіктерімен таныстырып, оларды қызықтыратын сұрақтарға жауап берді.
Сурет: akchabar.kg
