Ақорданың баспасөз қызметі Нұрсұлтан Назарбаевтың өз кеңсесінде жасаған тағайындаулары туралы хабарлады.
Қазақстанның Тұңғыш Президентінің шешімімен оның кеңсе бөлімшелерінің бастықтары тағайындалды:
Айдос Үкібай – Қазақстан Республикасы Тұңғыш Президентінің баспасөз хатшысы;
Арслан Дандыбаев – Қазақстан Республикасының Тұңғыш Президенті хаттамасының басшысы;
Нұрлан Ыбырайым – ұйымдастыру жұмысы бөлімінің меңгерушісі;
Нұрлан Қаймолдаев – Құжаттамалық, қаржылық және кадрлық қамтамасыз ету бөлімінің меңгерушісі;
Асқар Молдағаринов – Кеңсе жетекшісі Хатшылығының меңгерушісі;
Эльдар Серікұлы Томашов – Қазақстан Республикасы Тұңғыш Президентінің хатшылығының меңгерушісінің көмекшісі.
Бұған дейін Тұңғыш Президент Кеңсесінің басшысы Махмұд Қасымбеков, Назарбаев кабинеті “Назарбаев Орталығында”орналасатынын айтқан болатын.
Сондай-ақ, Қазақстанның Сыртқы істер министрінің орынбасары қызметінен Ғалымжан Қойшыбаев босатылды.
Хабарламада Қазақстан президенті Қасым-Жомарт Тоқаевтың өкімімен Ғалымжан Тельманұлы Қойшыбаев, басқа жұмысқа ауысуына байланысты, Қазақстанның Сыртқы істер вице-министрі қызметінен босатылғаны айтылды.
Сурет: tengrinews.kz
