Елбасы мен Қазақстан Республикасының Тұңғыш Президенті Нұрсұлтан Назарбаев Астана экономикалық форумында Қазақстанның жаңа президенті Қасым-Жомарт Тоқаевтың қызметін қолдайтынын мәлімдеді, деп хабарлайды “Zakon”ақпараттық агенттігі.
“Бүгін мен сіздердің алдыңызда ел президенті ретінде сөйлеп жатқан жоқпын. Ел мен халықтың мүдделері үшін, мен өзімнің президенттік өкілеттілігімді тоқтату туралы шешім қабылдадым. Еліміздің жаңа тарихында тұңғыш рет Конституцияға толық сәйкес әрекет ете отырып, біз бейбіт және тыныш жағдайда, демократиялық жолмен билік транзитін өткіземіз”, – деді Нұрсұлтан Назарбаев.
Сондай-ақ Нұрсұлтан Назарбаев мемлекет басшыларына, оның шешімін қолдайтын бүкіл әлемнің саясаткерлеріне алғысын білдірді.
– «Nur Otan» партиясының кезектен тыс съезінде Қасым-Жомарт Тоқаевты еліміздің Президенті етіп сайлау туралы ұсыныс енгіздім. Оны басталған істі жалғастыратын және сабақтастықты қамтамасыз ететін ең дайындалған адам деп санаймын. Мен қабылданған конституциялық заңға сәйкес, Ұлт көшбасшысы, Қауіпсіздік Кеңесінің төрағасы ретінде қауіпсіздікті қоса алғанда, ішкі және сыртқы саясатты, мемлекет дамуының стратегиялық бағыттары бойынша жұмысқа қатысуды жалғастырамын. Менің барлық жұмысым жаңа президенттің қызметін қолдау және транзитті тыныш жағдайда қамтамасыз ету, басталған жұмысты жалғастыру болып табылады”, – деп қортындылады Нұрсұлтан Назарбаев.
Сурет: Inform.kz
