Қазақстан Республикасының Президенті Нұрсұлтан Назарбаев бірқатар заңнамалық актілерге қол қойды.
Мемлекет басшысы «Қазақстан Республикасының Үкіметі мен Қырғыз Республикасының Үкіметі арасындағы қазақстан-қырғыз мемлекеттік шекарасы режимі туралы келісімді ратификациялау туралы» Қазақстан Республикасының Заңына қол қойды.
Сондай-ақ ол «Қазақстан Республикасының Үкіметі мен Ресей Федерациясының Үкіметі арасындағы 2010 жылғы 9 желтоқсандағы Қазақстан Республикасына мұнай мен мұнай өнімдерін жеткізу саласындағы сауда-экономикалық ынтымақтастық туралы келісімге өзгерістер енгізу туралы хаттаманы ратификациялау туралы» Қазақстан Республикасының Заңына қол қойды.
Сондай-ақ, Нұрсұлтан Назарбаев «Еуразиялық экономикалық одақта тауарларды сәйкестендіру құралдарымен таңбалау туралы келісімді ратификациялау туралы» Қазақстан Республикасының Заңын бекітті.
Сурет: Уикипедия
