Қазақстанның Тұңғыш Президенті Қырғыз Республикасының Президенті Садыр Жапаровпен кездесті, Бұл туралы zakon.kz хабарлайды.
Елбасы сайты атап өткендей, келіссөздер басталар алдында Елбасы мен Қырғыз Республикасының Президенті «Назарбаев Орталығында»ұсынылған экспозицияларды қарап шықты.
Кездесу барысында Нұрсұлтан Назарбаев Садыр Жапаровты Қырғызстан президенті лауазымына сайлануымен құттықтады.
Сіздерді Қазақстанда қарсы аламын. Қырғызстан халқы өткен сайлауда сізге үлкен сенім білдірді. Халқыңыз үшін жарқын болашақ құру жолында табыс тілеймін, — деді Қазақстанның Тұңғыш Президенті.
Елбасы тәуелсіздік жылдарында қол жеткізілген бауырлас елдер арасындағы ынтымақтастық пен әріптестіктің жоғары деңгейін атап өтті.
Сонымен қатар, Нұрсұлтан Назарбаев Қазақстан мен Қырғызстан президенттері арасындағы келіссөздердің нәтижелі болғанын атап өтіп, бизнес байланыстарды одан әрі арттырудың және экономикалық қатынастарды нығайтудың маңыздылығын айтты.
Өз кезегінде Садыр Жапаров Қазақстанның Тұңғыш Президентіне екі халық арасындағы қарым-қатынастарды қалыптастыру және нығайту жолындағы жасампаз еңбегі үшін алғысын білдірді.
Сіздерді Орталық Азияның көшбасшысы ретінде ғана емес, әлемдік деңгейдегі беделді саясаткер ретінде де құрметтеймін. Сіз біздің халықтарымыздың арасындағы достық пен ынтымақтастықты нығайтуға үлкен үлес қостыңыз, — деді Қырғыз Республикасының Президенті.
