Түркия президенті Реджеп Тайып Ердоган Нұрсұлтан Назарбаевпен телефон арқылы келіссөздер жүргізді. Бұл туралы Түркияның Anadolu ақпарат агенттігі хабарлады.
Бұл Нұрсұлтан Назарбаевтың отставкаға кетуінен кейінгі, екі саясаткер арасындағы, алғашқы келіссөздер. Агенттіктің ақпараты бойынша, әңгіме барысында Ердоган Назарбаевқа, Қазақстан Республикасы мен Қазақстан халқына табыс тіледі.
Ақорданың баспасөз қызметі әңгіме түрік тарапының бастамасы бойынша өткенін хабарлады. Баспасөз қызметінің хабарлауынша, Эрдоған “Тәуелсіз Қазақстанның қалыптасуы мен дамуындағы Назарбаевтың тарихи рөлін ерекше атап өтті”. Сұхбаттастар бір-бірін Наурыз мейрамымен құттықтады.
Сурет: 24.kz
