Бүгін Қазақстан Республикасының Тұңғыш Президенті Нұрсұлтан Назарбаевтың төрағалығымен Nur Otan партиясы саяси кеңесі бюросының онлайн-отырысы өтті. Бұл туралы “Қазақпарат” ақпарат агенттігі жазады.
Бейнеконференцияда қатысушылардың назары праймериз-партияішілік сайлауды өткізуге аударылды, оның басты мақсаты – Nur Otan-нан Мәжіліс пен мәслихаттарға сайлау алдындағы партиялық тізімдерге енгізілетін көшбасшыларды іріктеу.
Отырыста сөйлеген сөзінде Елбасы қазір Nur Otan-ның партияішілік сайлауына азаматтардың үлкен қызығушылығы байқалатыны, бұл мемлекетіміздің саяси өміріне қоғамның қызығушылығының артқанын көрсететінін айтты.
“Біз партияны қайта реттеудің дұрыс векторын таңдадық. Ел проблемаларын бірлесіп шешу үшін ашық диалогты қамтамасыз ету маңызды”, – деді Назарбаев.
Праймериз туралы айта келе, Назарбаев партияішілік сайлау барлық қатысушылар үшін адал және тең жағдайда өтуі тиіс екенін ерекше атап өтті.
Сонымен қатар, Тұңғыш Президент билеуші партия ел азаматтарын біріктіруі керек, өйткені тек бірлікте ғана қиындықтарды жеңуге болатынын қоса айтты.
Сондай-ақ, саяси кеңес бюросының отырысы аясында оған қатысушылар партияны реттеу бойынша “Сенім. Диалог. Болашаққа деген сенім – Nur Otan партиясының жеті серпіні” бағдарламасын жүзеге асыруды қарастырды.
Сурет: zakon.kz
