Қазақстан халқы Ассамблеясының XXVII съезінде Нұрсұлтан Назарбаев мемлекеттік органдар жанындағы Қоғамдық кеңестердің жұмысы нақты регламенттелуі тиіс екенін айтты, деп хабарлайды Zakon.kz тілшісі.
Назарбаевтың пікірінше, қатаң регламенттен басқа, олардың сапалық құрамын күшейту, жауапкершілік саласындағы функционалын анықтау, олардың толыққанды қызметі үшін жағдай жасау қажет.
Назарбаев мемлекеттік органдар ҚК ұсыныстарын, пікірлерін тыңдап, оларды өз жұмысында ескеруі тиіс екенін атап өтті. Ол Ассамблеяға және “Нұр Отан” партиясына осы жұмысқа араласып,жалпы іс-қимыл жоспарын әзірлеуді тапсырды
Сондай-ақ, Назарбаев Ассамблея кәсіпкерлері қауымдастығы желісі бойынша шетелдік инвесторлармен экономикалық ынтымақтастықты кеңейту, қауымдастық қызметінің жаңа деңгейге шығуы, оның құрамын жетекші кәсіпкерлермен күшейту қажеттігі туралы мәлімдеді.
Сурет: assembly.kz
