Нұрсұлтан Назарбаев пен Александр Лукашенко дәстүрлі достық пен өзара түсіністікке негізделген қазақстан-беларусь ынтымақтастығының даму қарқынына жоғары баға берді, деп zakon.kz хабарлайды.
Тараптар түрлі деңгейдегі өзара сапарлар мен бірлескен уағдаластықтарды жүзеге асырудың арқасында екіжақты тауар айналымының көлемін жылына 1 млрд АҚШ долларына дейін арттыру бойынша күшейтілген жұмыс жүргізіліп жатқанын атап өтті, – делінген Елбасы сайтында.
Тараптар Қазақстан мен Беларусь үкіметтерінің коронавирустық инфекция пандемиясын еңсеруге бағытталған шаралары туралы пікір алмасты.
Елбасы мен Беларусь Президенті екі мемлекет арасындағы, соның ішінде Еуразиялық экономикалық одақ аясындағы қатынастардың одан әрі нығая беретініне өзара сенім білдірді.
Әңгіме соңында Нұрсұлтан Назарбаев пен Александр Лукашенко өңірлік және халықаралық күн тәртібіндегі кейбір мәселелерді талқылады.
Беларусь басшысының баспасөз қызметінің мәліметінше, Нұрсұлтан Назарбаев Александр Лукашенконы Қазақстанға шақырып, Беларусь еліне қайтуға шақырту алды.
