Нұрсұлтан Назарбаев «Қазақстан Республикасының сот жүйесі мен судьяларының мәртебесі туралы» Қазақстан Республикасының Конституциялық заңына өзгерістер мен толықтырулар енгізу туралы» Конституциялық заңға қол қойды. Түзетулер сот жүйесін жаңғырту үшін жіберілді.
Естеріңізге сала кетейік, өткен жылдың қараша айында Назарбаев кадрлық мәселелерді Жоғарғы соттан Жоғарғы Сот Кеңесіне беруді тапсырған болатын. Сот жүктемесін төмендетуге, азаматтық процесті оңайлатуға, сондай-ақ елдегі сот ісін жүргізудің ашықтығы мен жеделдігін арттыруға қатысты шаралар қолдануға міндеттеді.
«Сот жүйесін жетілдіру ел экономикасын жаңғырту және азаматтардың әлеуметтік әл-ауқатын арттырудың маңызды көрінісі», — деді Нұрсұлтан Назарбаев.
Ағымдағы жылдың 23 қаңтарында Мәжіліс депутаттары пленарлық отырыс кезінде өз тарапынан «Сот жүйесі мен судьялардың мәртебесі туралы» Заңға енгізілген, білікті заңгер судья болуға құқылылығы қарастырылған, түзетулерді мақұлдады. Бұл лауазымға жұмыс тәжірибесі міндетті емес. Сондай-ақ судьялыққа үміткерлерге қойылатын талаптар күшейтіледі.
«Жаңартылған Заң бойынша бір адам облыстық соттың төрағасы ретінде екі мерзімге тағайындалуы мүмкін», — деп есептейді Жоғарғы Сот басшысы Жақып Асанов
Сурет: informburo.kz
