ҚР Тұңғыш Президенті-Елбасы Нұрсұлтан Назарбаев Еуразияның болашағын қалай көретінін айтып берді, деп ХАА “ҚазАқпарат” тілшісі хабарлайды.
“Мен Бірыңғай қауымдастық құрудағы Еуразияның болашағын көремін, оның тірегі континенттің негізгі интеграциялық бірлестіктері арасындағы жүйелі экономикалық диалог болуы тиіс. ЕАЭО, ЕО, ШЫҰ, ASEAN арасындағы прагматикалық ынтымақтастық, “Бір белдеу бір жол” бастамасы әлемнің ірі құрлығының барлық саяси кеңістігін тұрақтандыра отырып, Үлкен Еуразияны қалыптастыруға қуатты серпін берер еді”, – деді Нұрсұлтан Назарбаев Астанадағы жыл сайынғы Astana Club бесінші отырысы барысында.
Сонымен қатар, Нұрсұлтан Назарбаев бүгінде әлем Азия кеңістігінің милитаризация үрдісі, атап айтқанда, Солтүстік Корея төңірегіндегі шиеленістің артуы алаңдататынын атап өтті.
“Мәселені жалғыз шешу БҰҰ Қауіпсіздік Кеңесінің барлық мүшелері тарапынан Солтүстік Кореяның қауіпсіздігіне пәрменді кепілдіктерді әзірлеуді көремін. Бұл Солтүстік Кореяға оның ядролық бағдарламасын тоқтата тұру туралы тиісті уағдаластықтарды тез арада жасасуға мүмкіндік берер еді. Тағы бір маңызды қадам – жағдайды тұрақтандыра алатын Пхеньян мен Сеул арасындағы сенім шараларының каталогын қалыптастыру болып табылады”, – деп есептейді Елбасы.
Осы мәселелерді егжей-тегжейлі талқылау үшін Елбасы АӨСШК алаңын пайдалануды ұсынды.
