Мемлекет басшысы «Нұр Отан» партиясының Астанадағы съезінде мемлекеттің әлеуметтік саясатындағы тәсілдерді толығымен өзгертуді ұсынды. Ол әлеуметтік төлемдер мен көп балалы отбасыларға және халықтың аз қамтылған топтарына арналған жәрдемақыны едәуір арттыруға өкім етті.
«Ең алдымен, мемлекет табысы төмен көп балалы отбасыларға ерекше қамқорлық пен назар аударуы тиіс. Үкіметке аз қамтамасыз етілген, әсіресе көп балалы отбасыларды қамтуды кеңейту үшін атаулы әлеуметтік көмек көрсету критерийлерін ең төменгі күнкөріс деңгейінің 70% — ға дейін арттыруды тапсырамын», — деп атап өтті Назарбаев партия съезінде сөйлеген сөзінде.
«Отбасыларға атаулы әлеуметтік көмек көрсету үшін көп балалы отбасыларға әрбір балаға 21 мың теңге көлемінде ең төменгі төлем белгіленсін», — деп тапсырды Мемлекет басшысы Қазақстанда көп балалы отбасыларды әлеуметтік қорғауды күшейту тақырыбы бойынша сөйлеген сөзінде.
Сүрөт: Tengrinews
