Қазақстан Президенті Нұрсұлтан Назарбаев Санкт-Петербургтегі Жоғары Еуразиялық экономикалық кеңес (ЖЕЭК) отырысында Еуразиялық экономикалық одақтың (ЕАЭО) толыққанды жұмыс істеуін қамтамасыз ету үшін жұмыстың негізгі бағыттарын атады.
«Бүгін бізде күн тәртібі кең. Негізгі құжат — ЕАЭО интеграциялық үдерістерді одан әрі тереңдету туралы Декларация. Қазақстан тұтастай алғанда ЕАЭО аясындағы өзара іс-әрекетті одан әрі кеңейтуді қолдайды. Сонымен қатар, комиссия және біздің елдеріміздің Үкіметі терең талдау жүргізіп, әрбір бағыт бойынша объективті экономикалық орындылығын көрсетуі тиіс», — деді Қазақстан басшысы.
Қазақстан президенті Одақ тұтастай алғанда негізгі мақсаттарға — тауарлардың, қызметтердің, капиталдың және жұмыс күшінің еркін қозғалысына қол жеткізуге сенімді қадаммен жүретінін айтты. Сонымен қатар, Назарбаев ЕАЭО-ның толыққанды жұмыс істеуін қамтамасыз ету үшін қосымша күш салу қажеттігін және маңызды бағыттарды атап өтті.
ЕАЭО-ындағы зейнетақы мобильділігі
«Тауарлар, капитал, қызметтер, жұмыс күші сияқты төрт еркіндіктің қозғалысын қамтамасыз етуге бағытталған бұрыннан талқыланған құжаттар бойынша жұмысты аяқтау қажет. Бұл ЕАЭО елдерінің азаматтарын зейнетақымен қамтамасыз ету туралы құжатқа қатысты», — деді Назарбаев.
Құжат азаматтарға әр елдің резиденттері үшін көзделген зейнетақымен қамтамасыз ету құқықтарының көлеміне кепілдік беретін болады.
Қазақстан басшысы, сондай-ақ, 2025 жылға қарай өзара саудадағы барлық кедергілерді жою міндеті туралы еске салды.
«Бұл біздің бірлестіктің жұмыс істеуінің маңызды шарты. Комиссия мен үкіметтерге осы бағыттағы жұмысты жандандыруы керек, онымен келісемін», — деді ол.
Қазақстан Республикасының Президенті одақты нығайтатын экономиканың негізгі секторларындағы зәкірлі жобаларды іске асыруды басымдыққа қойып, «бүкілодақтық» жобаларды да назардан тыс қалдырмады.
Нұрсұлтан Назарбаев комиссия үкіметтермен бірлесіп жүзеге асыру үшін осындай жобалардың тізбесін анықтауы керек деп есептейді.
ЕАЭО мемлекеттері басшылары отырысының басты тақырыбы 2019 жылға арналған Одақтың халықаралық қызметінің негізгі бағыттары, Иранмен еркін сауда аймағын құруға апаратын уақытша келісімнің, сондай-ақ ҚХР-мен сауда-экономикалық ынтымақтастық туралы келісімнің күшіне енуі болды.
Сулет: sputniknews.kz
