Алматының тәжірибесі бойынша қоқыс сұрыптау кешенін еліміздің барлық аймақтарында тарату және салу керек, деді Қазақстан Президенті Нұрсұлтан Назарбаев.
«Ірі мегаполистерде қайталама шикізат, қоқыс және оны өңдеу өте тиімді бизнес болып табылады. Бұл Алматы қаласынан басталғаны дұрыс болды. Ең үлкен қаладан ең үлкен қалдықтар алынады. Бұл тәжірибені тарату керек, Қазақстанда барлық қоқыс өңделуі үшін Астанада дәл осындай құрылыс салу керек»,- деп мәлімдеді Назарбаев сейсенбіде индустриялық, инновациялық және инфрақұрылымдық жобаларды іске қосу үшін телекөпір барысында.
Алматыда телекөпір барысында қуаты 550 мың тонна қоқыс сұрыптайтын кешен іске қосылды, Солтүстік Қазақстан облысында-металлопластик бұйымдарын шығаратын зауыт іске қосылды.
Алматыда «GreenRecycle» ЖШС қоқыс сұрыптау кешенінің құрылысы 2017-2018 жылдары жалғасты. Жобаның қуаттылығы 550 мың тоннаны құрайды. Жоба қаланың өнеркәсіптік және коммуналдық қалдықтарын басқару бойынша ішкі ағындарды қанағаттандыра алады. Күтілетін әлеуметтік-экономикалық нәтиже: қаланың экологиялық бассейнін жақсарту; 528 жаңа жұмыс орнын құру; 50 мың тоннаға жуық қайталама шикізат өндіру жоспарлануда (ПЭТ – 31%, картон – 24%, целлофан – 8%, шыны – 29%, пластик – 7%, металл – 7%).
Солтүстік Қазақстан облысында «Радуга» ЖШС металлопластик бұйымдарын өндіру зауытының құрылысы 2017-2018 жылдары жалғасты. Жобаның қуаттылығы айына 1 680 тонна өнімді құрайды. Зауыт қайталама полимерлерді өңдеудің толық циклі бар Қазақстандағы жалғыз зауыт болып табылады.
Сулет: kaztag.kz
