Нұрсұлтан Назарбаев Алматыдағы резиденциясында бірқатар кездесулер өткізді, деп хабарлайды Ақорданың баспасөз қызметі.
Түркістан облысының әкімі Өмірзақ Шөкеевпен кездесу барысында аймақтың әлеуметтік-экономикалық даму мәселелері талқыланды.
Түркістан қаласын одан әрі дамыту жоспарына ерекше назар аударылды.
Сондай-ақ Нұрсұлтан Назарбаев «Қазақстан Халық Банкі» АҚ Директорлар кеңесінің төрағасы Александр Павловпен кездесті, онда ол республиканың банк секторындағы жағдайды және оның даму перспективаларын, елдің қаржы нарығының мәселелерін талқыдалы.
«Орталық Азия электроэнергетикалық корпорациясы» акционерлік қоғамының Директорлар кеңесінің төрағасы Александр Клебановпен кездесуде Нұрсұлтан Назарбаев электр және жылу энергиясын өндіру нарығын дамытудың, республиканың өңірлерін электрмен жабдықтаудағы қауіпсіздікті қамтамасыз етудің және энергиямен жабдықтаудағы тарифтік саясатты іске асырудың өзекті мәселелеріне тоқталды.
Сурет: ашық көздерден алынған фотосуреттер
