Қадағалау органы жүзден астам қызметкерлері наразылық білдірген Қарағанды маңындағы көмір байыту фабрикасын бұзу жұмысын тоқтатты.
Сөз “KAZ Феррит” деп аталатын кәсіпорын туралы болып отыр. Сот шешімі бойынша оның аумағының бір бөлігі жерге меншік құқығын қорғаған “УСҚ-Портал” компаниясына берілуі тиіс еді.
Осыған байланысты көмір байыту фабрикасының жұмысшылары наразылық акциясын ұйымдастырып, сот шешіміне қарсы шықты, өйткені жер берілгеннен кейін, онда орналасқан өндірістік цехтар бұзылады, нәтижесінде 500-ге жуық адам жұмыссыз қалады.
Наразылық білдіруші қызметкерлермен билік өкілдері кездесіп, оларға жерді мемлекет меншігіне қайтару мәселесі пысықталып жатқанын айтты. Егер ол орындалса, жер телімін беру мәселелерімен мемлекеттік комиссия айналысатын болады.
Қарағанды облысының қадағалау органы өз кезегінде қазір сот шешімін зерттеумен Қарағанды аудандық прокуратурасы айналысып жатқанын, оған сәйкес фабриканың жері “СВХ-Портал” компаниясына берілуі тиіс екенін хабарлады.
Бұл жөнінде “Жаңарту” кәсіподағының тең төрағасы Айнұр Құрманов өз пікірін айтты.
“Мұндай жағдай бірлі-жарым оқиға емес, соңғы жылдары қызметкерлер бірнеше рет өз өндірісінің жабылуына қарсы шықты. Бұл, әсіресе, экономикалық құлдырау мен дағдарыс кезінде, елде жүздеген кәсіпорындар жабылып, мыңдаған азаматтар жұмыссыз қалған кезде өзекті болып отыр. Сондықтан біз екі шаруашылық жүргіу субъектілерінің сот дауы салдарынан жабылуы мүмкін көмір байыту фабрикасы ұжымының талаптарын толығымен қолдаймыз. Бұл жерде мемлекеттің рөлі маңызды, ол бәсекелестердің немесе банктердің талаптарына байланысты жұмыс орындарын жоюға ықпал етпеуі керек. Егер бұл наразылық акциялары сәтті аяқталатын болса, бұл басқа кәсіпорындардың жұмысшылары үшін жақсы үлгі болады”- деді Құрманов.
Сурет: rus.azattyq.org
