Президент Қазақстан халқына Жолдауында медиктер еңбегінің маңыздылығына назар аударды. Оның пайымдауынша, кәсіптің маңыздылығы материалдық қолдауға ие болуы керек және осыған байланысты медицина қызметкерлеріне 150 млрд теңге ынталандыру үстемеақыларын төлеу үшін бюджетке түзету енгізуді тапсырды.
«Біз мұны дағдарыс кезінде жасаймыз және мұны жүйелі негізде жасау керек», — деп Тоқаев атап өтті.
Сондай-ақ, Мемлекет басшысы медициналық көмектің алғашқы буынының жұмысын жақсартуға баса назар аударды.
«Алғашқы медициналық көмек мобильді әрі қолжетімді болуы тиіс. Барлық АЕМ — ді фельдшерлік пункттер мен амбулаториялармен қамтамасыз ету қажет», — деп атап өтті ол.
Президент осыған байланысты атқарушы билікке медициналық мекемелерді кадрлармен қамтамасыз ету бойынша ұзақ мерзімді жоспар құруды, сондай-ақ медициналық ұйымдарды жабдықтармен жарақтандыруды, төсек құрамын жаңартуды тапсырды. Осы іс-шаралардың барлығы Қазақстандағы орташа өмір сүру ұзақтығын 75 жасқа дейін көтеруге көмектесуі тиіс.
Сурет: el.kz
