Нұрсұлтан Назарбаев Қытайда өтіп жатқан “Бір белдеу, бір жол” Екінші Халықаралық форумға қатысты, деп хабарлайды kapital.kz .
“Қытай даналығы: “Бай болғың келсе, жол жаса”дейді. Бұл Ұлы Жібек жолының тарихына толықтай қатысты. Екі мың жыл бұрын адамдардың батылдығы мен кәсіпқойлығының арқасында Еуразия бірыңғай жолдар желісіне біріктірілді. Бұл адамзат тарихындағы жаһанданудың алғашқы жолы болды”, – деді Қазақстанның Тұңғыш Президенті.
Сондай-ақ, Нұрсұлтан Назарбаев 30 жыл бойы әзірленген,өкінішке орай, іске аспаған, Жібек жолын қалпына келтіру тақырыбын қозғады.
“Бір сәтте адам дамуының болашақ үрдісі анықталғандай көрінетін шығар.Алайда, 2013 жылы Қазақстанда Қытай ұсынған Жібек жолының үлгісі қазіргі геосаяси жағдайда өмір сүруге қабілетті ғана емес, сондай – ақ осы бес жарым жыл ішінде оның дамуы табысты болды”,-деді Нұрсұлтан Назарбаев.
Нұрсұлтан Назарбаев сауда-саттық қырқысына және түрлі жанжалдарға қарамастан Қазақстан мен Қытай арасындағы тауар айналымының көлемі 5 трлн.екенін атап өтті.
“Әлем шиеленіскен геосаяси тұжырымдамаларынан қатты шаршады және геоэкономика мен бірлескен дамуға күш салуға ынтық. “Бір белдеу, бір жол” экономикалық ынтымақтастықтың жаңа мүмкіндіктері кешенінен гөрі әлдеқайда кең. Бастама әлемнің 120-дан астам елідің қауіпсіздікке, кең саудаға және гүлденуге деген күшті тарихи сұранымын көрсетеді”, – деді Қазақстанның Тұңғыш Президенті.
Сондай-ақ, Қазақстанның Тұңғыш Президенті Қытайдың ресми арналарына сұхбат берді. Ол қытай өкілдерін толғандыратын сұрақтарға жауап берді. Мысалы:Қазақстан мен Қытайдың болашақтағы қарым-қатынасы, т.б.
Сурет: akorda.kz
