Еліміздің Тұңғыш Президенті Нұрсұлтан Назарбаев Ресей Федерациясының басшысы Владимир Путинмен кездеседі. Бұл туралы ресейлік көшбасшының баспасөз хатшысы Дмитрий Песков мәлімдеді.
“Бүгін Президентте түрлі кездесулер, кеңестер, оның Нижегород облысының губернаторы Никитинмен кездесуі болады. Кешке Президентте Қазақстанның Тұңғыш Президенті Назарбаев қонақта болады”, – деді Дмитрий Песков.
Бұған дейін Нұрсұлтан Назарбаев Владимир Путинмен телефон арқылы сөйлесіп, алдағы кездесулер мен Қазақстан-Ресей арасындағы келіссөздері туралы айтқан.
Сондай-ақ, Назарбаев пен Путин Қазақстан-Ресей ынтымақтастығы мен оның даму перспективаларына назар аударды.
Телефон арқылы сөйлесу барысында Сирия бойынша Ресей-Түрік келіссөздерінің қорытындысы қаралып, Сириядағы жағдайды реттеу үшін Астана процесінің маңыздылығы атап өтілді
Тараптар Қазақстан-Ресей қарым-қатынастарына баға берді, сондай-ақ Қазақстан Республикасы мен Ресей Федерациясы арасындағы саяси байланыстардың маңыздылығын атап өтті.
Сурет: ru.sputhik.kg
