Мемлекет басшысы Индонезия президенті Джоко Видодоға көңіл айту жеделхатын жолдады — 365info.kz.
Нұрсұлтан Назарбаев «Lion Air» авиакомпаниясының, жолаушылар ұшағының апатқа ұшырауы салдарынан , адамдардың қаза болуы туралы хабарды терең күйзеліспен қабылдады, деп хабарлады Ақорданың баспасөз қызметі.
«Қаза болғандардың туған — туыстары мен жақындарына, сондай-ақ Индонезия халқына қайғыға ортақтасып, Қазақстан халқының және жеке өз атымнан көңіл айтамын», — делінген жеделхатта.
«Боинг» -737 Джакартадан ұшып шығып, 10 минуттан кейін радарлардан жоғалып кетті. Ұшақ астанадан Банк аралындағы, Панкалпинанг қаласына рейсті орындауы тиіс еді. Алдын ала мәліметтер бойынша, лайнер Яваның батыс жағалауының жанында теңізде құлап кетті. Бортта болған 189 адамның барлығы қаза тапты. Апатқа ұшыраған ұшақтың бортында қазақстандықтар болған жоқ.
