Қазақстан Президенті Нұрсұлтан Назарбаев 7 қаңтарда таңертең елорданың бас православиелік храмы — Свято-Успенский кафедралды соборына барды.
Елбасы ғибадатхананы аралап, барлық православиелік христиандарды Иса Пайғамбардың туған күні мерекесімен құттықтады. Өз сөзінде ол Иса Пайғамбардың туған күні мерекесін барлық конфессия өкілдері мерекелейтінін атап өтті.
«Бүгін бүкіл Қазақстан, конфессиялар мен этностардың барлық өкілдері аталмыш мерекені атап өтеді. Бұл мереке жақсылық пен игілікті білдіреді. Бұл күні ескі реніштер кешіріледі және мұқтаждарға көмек көрсетіледі, сондай-ақ дұға оқылады», — деді Президент.
Мемлекет басшысы ел тәуелсіздігінің алғашқы күнінен бастап конфессияаралық және этносаралық келісімді нығайту саясатын жүргізгенін атап өтті. Дәл осы факторлар Қазақстанның дамуында өз рөлін атқарды.
«Біздің бірлігіміздің арқасында экономикада және халықтың әл-ауқатының артуында үлкен нәтижелерге қол жеткіздік. Мен Тәуелсіздік алғаннан бері православиелік христиандардың қолдауын сезіндім, ол үшін сізге ризамын», — деді мемлекет басшысы.
Сулет: tengrinews.kz
