Қазақстан астанасының әкімі Алтай Көлгінов Нұрсұлтан тұрғындарын қабылдады. Бұл туралы қала әкімдігінің баспасөз қызметі хабарлады.
Астана әкімдігінің ақпараты бойынша, бұл жолы Алтай Көлгінов 18 адамды қабылдады. Қабылдау кезінде ерекше қажеттіліктері бар балаларды тәрбиелеп отырған отбасы мәселелері бойынша сұрақтар мен ұсыныстар айтылды.
Сондай-ақ, кездесуде инватакси санын арттыру, демалыс орталықтарының жанында жылы аялдамаларды орнату және медициналық қызмет көрсету мәселелері көтерілді.
Сонымен қатар, елорда тұрғындары Алтай Көлгіновке тұрғын үй бағдарламасына қатысу, жұмысқа орналастыру, оқыту және балабақшаларға жолдама алу мәселелері бойынша өтініш білдірді.
Қорытындылай келе, елорда әкімі уәкілетті органдар жоғарыда аталған мәселелерді шешуді қарастыратынын атап өтті.
